Pagbebenta ng mga Expired na Gamot

     Sinalakay ng Philippine Drug Enforcement Agency (PDEA) ang isang klinika sa Calumpang, Lungsod ng Heneral Santos noong Oktubre 13, 2010 dahil sa hinalang nagbebenta ito ng mga expired na gamot.
     Maraming karton ng gamot ang nakumpiska ng PDEA. Nagtataka ang PDEA kung bakit nagbebenta ng mga gamot ang klinika na hindi naman nila ito saklaw. Pagkonsulta lamang ang dapat gawin ng mga doktor at hindi pagtitinda ng mga gamot.
     Sa gawaing ito ng doktor, parang pinapatay na niya ang kanyang mga pasyente sa kanyang pagbebenta ng mga expired na gamot.
     Labag sa batas ang pagbebenta ng gamot sa klinika dahil gawain ito ng parmasya. Saan ba galing ang mga gamot na binebenta sa klinika? Ano ba ang sinumpaang tungkulin ng mga doktor? Manggamo o magbenta ng gamot para dagdag sa kanilang kita?
     Sa kabuuan, dapat higpitan ng mga awtoridad ang pagpapatupad ng ganitong batas at magkaroon ng regular na pagmomonitor sa mga klinika. Karampatang parusa ang dapat igawad sa mga medical practitioner na umaabuso ng kanilang katungkulan.