DepEd Order No. 392

     Naglabas ang Department of Education (DepEd) ng Memorandum bilang 392, serye 2010 na nagsasaad na hindi dapat magbigay ng maraming takdang aralin ang mga guro sa mga mag-aaral tuwing Sabado't Linggo.
     Nagdesisyon si Br. Armin Luistro ng DepEd na ipatupad ang ganitong batas upang mabigyan ng oras ang mga estudyante na ipahinga ang kanilang isip at katawan sa tuwing Sabado at Linggo upang sa ganoon, mababawasan ang tindi ng kanilang ginagawa tuwing may pasok lalo pa't pagdating sa kanilang mga tahanan ay may ginagawa pa silang takdang aralin at tumutulong sa gawaing bahay.
     Masaya ang mga mag-aaral nang marinig nila ang balitang ito. Subalit mayroong isang grupo na kumukontra sa inilabas na panukalang ito. Ito ay ang Teachers' Dignity Coalition. Ayon sa kanila, hindi naman ito nangangahulugan at lalong nagpapahirap sa mga estudyante.
     Hindi ba sila masaya dito? Nakakabuti ito dahil makakapaglibang ang mga estudyante tuwing Sabado at Linggo at dahil mababawasan na ang kanilang gawain. Nararapat lamang na hindi bigyan ng takdang aralin ang mga estudyante tuwing Sabado't Linggo upang marami silang oras na makapag-aral ng leksyon at upang maging handa na rin sila sa susunod na araw ng pagpasok.
     Tiyak na maraming mga magulang ang natutuwa nito dahil mayroong sapat na panahon ang mga anak na makapag-bonding sa kanila.
     Ang tanong ng mga mag-aaral, bakit kailangang bigyan ng takdang aralin kung natamo naman nila ang layunin sa araw-araw?
     sa kabuuan, malaki ang naitulong ng naging plano ng DepEd para sa mga mag-aaral. Masarap isipin na walang gagawing takdang aralin tuwing Sabado't Linggo, hindi ba? Kahit na ipinatupad ito, huwag naman pabayaan ng mga mag-aaral ang kanilang pag-aaral. Mag-aral muna ng leksyon bago maglaro at maglibang upang maging handa sa klase pagdating ng Lunes. Nakasalalay pa rin sa mga guro ang desisyon kung kailangan nga ba ng dagdag na aralin ang mga mag-aaral tuwing Sabado't Linggo