Epekto ng Telebisyon

     Panonood ng telebisyon ang ilan sa mga gawaing mahirap iwasan ng isang bata.
     Bumibili ang mga magulang ng mga video na akala nilang nakakapagpatalino ng kanilang mga anak. Paano nga ba ito nakakaapekto sa mga bata?
     Ilan sa mga mabubuting epekto ng panonood ng telebisyon ay ang ibang programa rito ay nakapagtuturo, nakapagbibigay ng impormasyon at nakapagpasisigla ng mga bata na mas epektibo kaysa sa mga libro sa pagtuturo ng mga proseso tulad ng pagtubo ng halaman o kung paano maghurno ng keyk.
     Mayroon din naman itong mga masasamang epekto. Ayon kay Dr. Sally Ward, pinapamanhid nito ang utak ng bata dahil hinahadlangan nito ang mga bata sa pag-eehersisyo ng pagkukusa, pag-iisip at paggamit ng kanyang imahinasyon. Kinukuha rin nito ang oras na sa halip ay ginagamit na pagpapabuti ng kakayahan sa pagbabasa.
     Dapat pumili ang mga magulang ng mga programang angkop sa edad ng kanilang mga anak at walang mga marahas na tagpo. At dapat na isaalang-alang rin nila na may oras pa ang kanilang anak na makapag-aral ng leksyon.
     Mas mabuti na ibalanse ang panonood ng telebisyon upang hindi ito makasira sa pag-aaral ng mga bata. Sa kamay pa rin ng mga magulang nakasalalay kung kailan at ano ang panonoorin ng mga bata.
     Sa kabuuan, malaki ang naitulong ng panonood ng telebisyon sa atin sa pagbibigay ng impormasyon araw-araw.